Breaking News

ब्राह्मणही बहुजन, त्यामुळे फडणवीस देखील बहुजन - आठवले यांचा जावई शोध



पंढरपूर : एकनाथ खडसे हे सध्या माजी मुख्यमंत्री देवेंद्र फडणवीस यांना टार्गेट करीत आहे. मात्र, ब्राह्मण हेही बहुजन असल्याने फडणवीस बहुजन आहेत, असा जावई शोध केंद्रीय सामाजिक राज्यमंत्री रामदास आठवले यांनी लावला आहे. आज पूरग्रस्त भागाची पाहणी करायला आले असता ते बोलत होते.

फडणवीस यांनी अतिशय चांगल्या रितीने काम केले असे सांगताना भाजपने ज्येष्ठांना विश्रांती देत तरुणांना संधी दिल्याने खडसे यांना बाजूला ठेवले होते. खडसे यांना एखादे मंत्रिपद मिळेल मात्र त्यांच्या मागे कोणीही जाणार नाही, असे आठवले यांनी सांगितले. एकनाथ खडसे यांना राष्ट्रवादीत घेतल्याने फडणवीस यांची आणि आमची तोंडे बंद होणार नाहीत, असे सांगत खडसे यांच्यामुळे काही फरक पडत नसल्याचे आठवले म्हणाले.





No comments