Breaking News

केजमध्ये अल्पवयीन मुलीवर बलात्कार



गौतम बचुटे । केज  

शौचासहुन घरी परत येत असलेल्या एका अल्पवयीन मुलीवर गावातील एका नराधमाने जबरदस्तीने हाताला धरून तिला कापसाच्या शेतात नेऊन तोंड दाबून जबरी बलात्कार केला. या प्रकरणी पोलिसांनी आरोपीस ताब्यात घेतले आहे.

केज तालुक्यातील सारुकवाडी येथे एक १७ वर्षीय मुलगी ही दि. १२ ऑक्टोबर सोमवार रोजी दुपारी ३:०० वा.च्या शेतातून शौचासहुन परत येत असताना नंदकिशोर कैलास गीते हात धरून कापसाच्या शेतात नेऊन  तोंड दाबून शेतात तिच्यावर जबरी बलात्कार केला. पीडित मुलीने आरडाओरड केली परंतु जवळ कोणी नसल्यामुळे तिची सुटका झाली नाही. नंदकिशोर गित्ते याने पीडित मुलीस हा प्रकार कोणाला सांगितल्यास जिवे मारण्याची धमकी दिली. त्या नंतर पीडित मुलीने हा प्रकार तिच्या आईला सांगितला; परंतु भीतीपोटी आईने तो प्रकार पीडित मुलीच्या वडीलास  सांगितला नाही. या पूर्वी देखील नंदकिशोर कैलास गीते हा पीडित मुलीला इशारे करून तिची छेडछाड काढित होता. परंतु भीतीपोटी पीडित आणि बदनामीच्या होईल म्हणून मुलीने हा प्रकार घरी सांगितला नव्हता. नंतर दिनांक 13 रोजी मुलीने हा प्रकार तिच्या वडिलांना सांगितला. त्या नंतर केज पोलीस स्टेशनला पीडित मुलीच्या फिर्यादिवरून गिते यांच्या विरोधात गु.र.नं. ४४४/२०२० भा.दं.वि. ३७६, ३७६ (३) (जे), ३५४, ५०६ व बाललैंगिक अन्याय अत्याचार कायदा कलम ४, ६, ८, १० नुसार गुन्हा दाखल झाला आहे. गुन्हा दाखल होताच पोलीसांनी आरोपी नराधम नंदकीशोर कैलास गित्ते यास ताब्यात घेतले आहे. 

पोलीस निरीक्षक प्रदीप त्रिभुवन यांच्या मार्गदर्शनाखाली पोलीस उपनिरीक्षक श्रीराम काळे हे पुढील तपास करीत आहेत.



No comments