हजरत शहेंशाहवली बाबा उर्स कार्यक्रम रद्द

-कोरोनाचा प्रादूर्भाव टाळण्यासाठी उर्स कमिटीने घेतला निर्णय

बीड : कोरोना महामारीच्या पार्श्वभूमीवर सरकार व प्रशासनाने धार्मिक उत्सव आयोजित करण्यात मनाई हुकुम  असल्यामुळे यंदा 20 आक्टोबर  रोजी होणारा शहेंशाहवली दर्गाह उर्स रद्द करण्यात आला आहे. दरम्यान उर्स व कव्वाली आदि सर्वच कार्यक्रम रद्द करण्यात आले आहे.  याची भाविक भक्तांनी नोंद घ्यावी असे आवाहन दर्गाह मुजावर  सय्यद कबीर अलाउद्दीन व शेख नईमोद्दीन मोईनोद्दीन यांनी केले आहे.

     

हजरत कोचकशाहवली अबुल फैज रह. उर्फ हजरत शहेंशाहवली बाबा यांचा उर्स दर वर्षी साजरा करण्यात येतो. यंदा कोरोना देश व राज्यात कोरोना महामारीची साथ सुरू आहे. कोरोनाचा प्रादूर्भाव टाळण्यासाठी राज्य सरकार व जिलाधिकारी यांच्या आदेशाचे पालन करीत यंदा उर्स कमिटीने दर्गाह उर्स रद्द केला आहे. हिंदू- मुस्लिम ऐक्याचे प्रतिक असलेल्या शहेंशाहवली बाबा दर्गाह उर्स निमित्ताने  बीड, मराठवाडयासह राज्यभरातील भाविक भक्त बाबांच्या दरबारी हाजरी हाजरी लावत असतात. संदल व उर्स निमित्त दर्गाह परिसर चार दिवस गजबजलेला असतो. दरम्यान जवळपास 50 हजार भाविक बाबांचे दर्शन घेतात. परंतु सवासहाशे वर्षांपासूनची अखंडीत सुरू असलेली ही परंपरा पहिल्यांदा खंडीत होत आहे.

संदल व उर्स सर्वच कार्यक्रम रद्द करण्यात आली आहे. याची  राज्यभरातील भाविक भक्तांनी याची नोंद घ्यावी. असे हजरत शहेंशाहवली दर्गाह उर्स रद्द  आवाहन दर्गाह मुजावर यांनी संयुक्तरित्या प्रसिध्दीस दिलेल्या पत्रकात केले आहे.